وجه النجم رامي جمال رسالة واضحة وشديدة اللهجة ضد المتنمرين من مرضى البهاق، كما حرص على تقديم الشكر لكل من دعمه وسانده، مؤكداً إلى أنه سوف يكمل مشواره الفني بعد الطاقة الإيجابية التي منحها له الجمهور.
تفاصيل مرض البهاق
وكتب رامي في منشور عبر حسابه على موقع فيسبوك وقال: “البهاق تعالو كل يوم نعرف حد حاجة عن الموضوع ده، أولا ده مش معدي وده بيبقي نقص في الخلايا الصبغية وده مرض مناعي، لو اترفضت في شغل بسببه ابعتلي ونعرف الناس اسم المكان اللي مفيهوش إنسانية، لو أنتِ أو أنت اترفضتم من اللي هتتجوزوه بسببه، أنتم الكسبانين”.
وتابع: “اللي يبص على لون جلدك قبل لون قلبك إنسان فاضي ميتعاشرش، لو في مدرسه وأصحابك مش فاهمين ده إيه متزعلش إحنا نعرفهم، المدرسين يعرفوهم، وأكيد هيقدروا إن ربنا ميزنا، البهاق مش مرض، البهاق ترجمة توتر وقلق وضغط”.
واكمل: “ياريت كل الناس اللي عندها يبقى عندها الحظ اللي شفته منكم والدعم اللي شفته منكم من ساعة ما كتبت والتلفزيون مبيتكلمش غير عليه، نجوم الحلقات دكاترة جلدية مشكورين عرضوا علاجي، وأنا بقولكم كتير أولى مني بالعلاج المجاني، وشايف ناس بدأت حملات توعية، آه متأخرين بس كويس إنهم بدأوا، أنا مش هسكت وهعمل أغاني وحملات توعية عنه، ومش هسكت إلا لما يبقى البهاق من علامات الجمال، أنتوا طمعتوني بالتحضر والرقي اللي شفته وبقت مسؤولية إني أنجح وابقي صوت لكل اللي اتميزوا بيه، وادعمهم واشوف فرحتهم زي ما فرحتوني”.
