الموزع جلال فهمي يدعم رامي جمال.. جمهور تامر مستني ألبومك

wafaa
اخبار المشاهير
الموزع جلال فهمي يدعم رامي جمال.. جمهور تامر مستني ألبومك

قام الموزع “جلال فهمي” بنشر صورة تجمعه بالنجم تامر حسني والمطرب والملحن رامي جمال، وذلك عبر صفحته الرسمية بموقع التواصل الاجتماعي “فيسبوك”، ليدعمه بعد أن أعلن أول أمس إصابته بمرض “البهاق”.

رسالة فهمي

وقال فهمي على الصورة: “أظن يارامي أنت مش محتاج تعرف قد إيه أنا بحب صوتك وبحب ألحانك وبعيد عن إنك صديق وأخ ف أنت فنان وجامد أوي كمان.. مستنين ألبومك وكالعادة لك كل الدعم من جمهور نجم الجيل تامر حسني”.

وذلك بعد رسالة رامي جمال التي قال فيها: “الحمد لله الذي أحبني فابتلاني، وقدرني علي الصبر، من فترة ظهرت بقع بيضاء في جسمي، وبالكشف عرفت إنه البهاق، وجربت أنواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده، وكفاية شغلانتي وصعوبتها والقلق الدائم من المستقبل”.

وأضاف قائلًا: “فعلا بقي بيزيد لدرجة لفتت نظر ناس كتير، اللي بقي يقولي هتتعامل إزاي وأنت فنان، واللي يخاف يسلم، واللي يسألني هو ده معدي، أنا بقالي سنه فعلًا لو عندي حفلة أو تصویر بتعب على ما أشوف طريقة أخفيه بيها لدرجة خلت ناس تقولي شوف بيزنس تاني اعمله علشان الناس مش هتقبلك كده”.

اترك تعليق

لن يتم نشر عنوان بريدك الإلكتروني.